ބޮނޑިބަތްތޯއެ، އުދަންވީ


ހުވަދުއަތޮޅު ތިނަދޫ މަދަރުސަތުލް ޣާޒީ މުޙައްމަދުގެ ދަރިވަރުން ކިޔާފައިވާ މިލަވައަކީ 1980މ. ވަނަ އަހަރުން ފެށިގެން ރާއްޖޭގެ ކަންކޮޅު ތަކުގައި ވަރަށްބޮޑަށް މަޝްހޫރު ވެގެން ދިޔަ ލަވައެކެވެ. އެހެން ވުމާއެކު، ދިވެހިރާއްޖޭގެ އަޑު (ރޭޑިޔޯ މޯލްޑިވްސް) އާއި ޓީވީ މޯލްޑިވްސް އާއި އެހެނިހެން ވެސް ބްރޯޑްކާސްޓް، އަދި ޓެލެކާސްޓް ކުރާ ފަރާތްތަކުގެ އިތުރަށް އަމިއްލަ ފަރުދުންގެ އަތުގައިވެސް މިލަވައިގެ ރެކޯޑިންގ ހުރުމަކީ އެކަށީގެންވާ ކަމެކެވެ.

"ބޮނޑިބަތްތޯއެ އުދަންވީ" މިލަވައަކީ ހުވަދުއަތޮޅު ތިނަދޫގައި ބާއްވާ ރަސްމީ މުނާސަބާ ތަކާއި ޙަފުލާ ތަކުގެ އިތުރަށް ގައުމީ މުނާސަބާ ތަކުގައި މާލޭގެ ރަސްމީ ބޯޅަ ދަނޑާއި އޮލިމްޕަހާއި އެނޫން ވެސް އެކަމަށްޓަކައި ކަނޑައެޅިފައިވާ މާލޭގެ ބައެއް ސަރަޙައްދު ތަކުގައި ތިނަދޫ މަދަރުސަތުލް ޣާޒީ މުޙައްމަދުގެ އެކި ދުވަސްވަރު އެކި ދަރިވަރުން ތަމްސީލުކޮށް ދީފައިވާ ލަވައެކެވެ.

މިގޮތުން 1993 ގައި، ކުޑަކުދިން ބްރޯޑްކާސްޓް ކުރާ ދުވަހުގައި، އެ މަދަރުސާގައި އޭރު ތިބި ބައެއް ދަރިވަރުން، ގދ. ތިނަދޫ ބޯޅަ ދަނޑުގައި ބޭއްވި ތަމްސީލެއްގައި ވެސް އެ ލަވަ ކިޔާފައި ވެއެވެ. 


ތިރީގައި އެވަނީ، މާލޭގެ ރަސްމީ ބޯޅަދަނޑާއި އޮލިމްޕަހާއި އެނޫން ވެސް އެކަމަށްޓަކައި ކަނޑައެޅިފައިވާ މާލޭގެ ބައެއް ސަރަޙައްދު ތަކުގައި "ބޮނޑިބަތްތޯއެ އުދަންވީ" މިލަވަ ތަމްސީލުކޮށް ދިން ތިނަދޫ މަދަރުސަތުލް ޣާޒީ މުޙައްމަދުގެ ބައެއް ދަރިވަރުންގެ ފޮޓޯއެކެވެ.

މިފޮޓޯ ނަގާފައިވަނީ 1982މ. ގައި އޮލިމްޕަސް ތިއެޓަރުގައެވެ.

ފޮޓޯ ބަލާމީހުންގެ ކަނާތުން ވާތަށް (ފުރަތަމަ ސަފު) 

މަރިޔަމް ޝަރީފާ/ ކީރަންމާގެ، ރަޝީދާ އާދަމް/ ތަރާނާގެ، ނަޝީދާ މުޙައްމަދު/ ބްލޫހެވަން، އާމިނަތު ޝާކިރު/ ކާޕެންޓަރވިލާ، އާމިނަތު ސީމާ/ މޮސްކޯގެ، މަޢުޞޫމާ މުޙައްމަދު/ ގޯލްޑަންކްއީން، މަރިޔަމް ގާސިމް/ ބްލޫނިޔާގެ


ފޮޓޯ ބަލާމީހުންގެ ކަނާތުން ވާތަށް (ދެވަނަ ސަފު) 

ޢާއިޝަތު ރަޝީދާ/ ރަނައުރާގެ، ޢާޠިފާ އިބްރާހީމް/ ޒިންދަގީ، މަރިޔަމް ޙުސައިން/ ސަރިންދާގެ، ޙަފީޒާ ސަޢީދު/ ޕާކްލޭން، ނާޒިމާ ޙަސަން/ ޢަބުހަރީގެ



ތިރީގައިވާ ފޮޓޯތައް ނަގާފައިވަނީ ހުވަދުއަތޮޅު ތިނަދޫ ބޯޅަދަނޑު (1980މ.)ގައެވެ.


            
-----------------------------

ބޮނޑިބަތްތޯއެ އުދަންވީ

ލަވަހެއްދެވީ: ޢަބުދުﷲ ޢަފީފު އަލިދޯދި/ ގދ. ތިނަދޫ

ރާގު: ކޯގަޔާހެ މެރާޕިޔާރު (ހިންދީ ފިލްމް ހަރިޔާލި އައުރެ ރާސްތާ 1962)

ކިޔާފައިވަނީ: ގދ. ތިނަދޫ މަދަރުސަތުލް ޣާޒީ މުޙައްމަދުގެ ދަރިވަރުން

*****

ރޯކުރާށެ އުދަންވީ، ރޯކުރާށެ އުދަންވީއެ އުދަންވީ
                ބޮނޑިބަތްތޯއެ އުދަންވީ، ބޮނޑިބަތްތޯއެ އުދަންވީ

ކާށިން ހުނިގާނާލާފަ ކިރު، ފެލުމުގާ އަތުގާލާށެވަރު
         ވީ ކައްކާށެ ލާފަ ދަރު،ހުގަނޑާ ބަލަމުން ހޫނުވަރު
                       ރޯކުރާށެ އުދަންވީ ...................
ގެންނަވާށޭ ހަކުރުކޮޅާ، ސާފުކޮށްފާ ހަނޑޫކޮޅާ
         މިހިރަ ތެއްޔަށްލާށޭ އަޅާ، ތެދެކޭ ފެންނާޅާ ވާނެހޭ
                       ރޯކުރާށެ އުދަންވީ ...................
ކެކުމުން ބާލާއިރު މާފެނާ، އެކުގާ އަޅަނީއެ ފިނިފެނާ
         މިކަމުންވާނޭ ރަހަ ހަރުދަނާ، ނުކެޔަސްވާނޭ ހަމަ ކުޅުދިޔާ
                       ރޯކުރާށެ އުދަންވީ ...................
ފުށްތައް މަޑުވީޔޭ ޔާރުނޭ، މީރުވާނީވެސް އޭރުނޭ
         އުނދުނުން ބާލަން މިހާރުވީ، ކެކުނީ ކާށޭވީ މީރުތޯ
                       ރޯކުރާށެ އުދަންވީ ...................

            --------------------
"ގަލެހިރި" އެޑްމިން